رباعيات لاحمد الهمامى
روائع شعر العاميه المصريه
أسلوب حياتي هترفضـــه أو تقبله أنـــــت حــرّ
أنا طفل شـارع وغصب عنـــي أبتــــليت بالمــرّ
يتيم .. فقير .. مريض .. ما تقولش وأنا مــــالي
عندي أمل تساعدني مع إني لا هنفعك ولا أضرّ
وآه
ياللي بتبـــحث عن أي شيء حلو وجمــــيل
دي الدنيا ملــــيانه وعندي ليك مليـون دليل
الصحه والستر والأهل والصـحبه والحريه
وبنــت زي القمـــر ضحكــــتها تشفي العليل
وآه
نقــــــطه حمرا نزلت في ســــروالك يا بنتي
قوم تخـــــــافى وتبكي ولا تعــــرفى إن إنتي
محسوبه من دلوقتي عالصـــبايا والعرايـس
روحي لأمك واسأليها وفرحــيها إنك كبرتي
وآه
فرحـــان ومبســوط عــــــــــــــل آخر
وكـــل من لـــــــــــــــــه أول لــه آخر
يــــا هـــل تـــــرى الجـــــــــــــاي إيه
حزن وشـجن ولا كاريكاتير ســـــاخر
وآه
-
يا كل هــــمز ولمـــــز وغـــمـــز متداري
من صــــــحابي ومن حبايبي ومـن داري
إيــــــه الغــريب في إني عشقت وهـويت
لوكــــان ده عيب قــوموا اغسلوا عاري
وآه
أنا في الحياه عايش سُلِّـيــــطي مُلِّيطي
مملكش غير الكلام وصوتي وصويتي
صــــــــــحه مافيش فلوس مـــامعييش
إمتي هــــعيش في الدنيا بحـجم سيطي
وآه
يا كل روح هايمه في الفضا الخـالي
أنا نفسي أعرف هيبقى إيه حـــــالي
بعد الممات والرحيل هـــوصـل لفـين
لـ طريق منور ولا هــلاقي سد عالي
وآه
خـــــــــرج القتــــــــيل مطــرود مهــان مــن تربـــــته
قـــــــــــــــــــــام قــام ومــد وبسرعه شد على شقتـه
رن الجــرس فتــــــــــــــحت مــــراته وقالـــتله: مين
رد قال: أنا المطرود م الحيـاه والموت وإنتي غلطته
وآه
[size=12]
الميتين المدفونين تحـت التراب صحيوا قامـوا
فتحوا الترب خلعوا الكفن وعالأرض هـــامـوا
عرايا مشيوا يدوروا على أرضهم وأهـــــــلهم
عرايا عادوا بلا أرض بلا أهل ورجعوا نامــوا
وآه
